தவெகவின் இரண்டு நம்ப முடியாத குற்றங்கள்

துணை சபாநாயகர் ஒருவரை அடித்திருக்கிறார். இன்னொரு தவெக எம்.எல்.ஏ., கலெக்டருக்கே தூது விட்டிருக்கிறார்.

முதலில் துணை சபாநாயகரின் கதையைப் பார்ப்போம்.

இங்கே நான் கிட்டத்தட்ட இந்தத் துணை சபாநாயகர் பக்கம்தான். ஏனென்றால், என்னதான் நல்லவனாக இருந்தாலும், தொடர்ந்து சீண்டிக்கொண்டே இருந்தால் எப்படிப்பட்டவரையும் அது சினம் கொள்ள வைக்கும்.

எழவு வீட்டில் இளையராஜாவிடம் பேட்டி கேட்டது, நடிகர் சிவகுமாரிடம் ஒருவர் செல்ஃபி எடுக்க முயன்றபோது, அவர் அந்தப் போனைப் போட்டுடைத்தது போன்ற செய்திகளையெல்லாம் நாம் கவனித்திருக்கிறோம். இது மனித இயல்பு.

மேலும் வாசிக்க

இந்த ஊழலில் திமுகவிற்கு எள்ளளவும் சம்பந்தமில்லை.

நூலக ஊழல் குறித்த விசாரணை முடிந்து அறிக்கை வர நிறைய காலம் ஆகும். அதற்குள் நாமும் புலனாய்வுப் புலியாக மாறி, என்னதான் நடந்திருக்கும் எனத் தோராயமாக ஒரு கணக்கைப் போடுவோம். எல்லாம் தெரிந்த பிறகு சொல்வதைவிட, முன்கூட்டியே இப்படி நடந்திருக்கலாம் என்று கணிப்பதுதான் திறமை. இங்கே என் கணிப்பு தவறாகவும் போகலாம்.

முதலில், இந்த ஊழலில் திமுகவிற்கு எள்ளளவும் சம்பந்தமில்லை. காரணம், இது பிச்சைக்கார ஊழல். மது, கனிமவளம், பத்திரப்பதிவு எனக் கொள்ளையடிக்கப் பல துறைகள் இருக்கும்போது, இந்த 100 கோடி ஊழலுக்கெல்லாம் திமுகவை பொறுப்பாக்க முடியாது. அது அவர்களுக்குக் கௌரவக் குறைச்சல்.

ஆனால், தமிழக அரசியலில் திராவிடக் கட்சிகள் உருவாக்கிய நடைமுறைதான் இதற்கு முக்கியக் காரணம்.

மேலும் வாசிக்க

தீபாவளிக்கு இந்த முறை நிறையப் படுகொலைகளாம்!

தவெக வந்தவுடன் எல்லோரும் தைரியமாக ஊழலை வெளிப்படுத்துகிறார்கள். இது நல்ல விஷயம்தான். ஊழல் செய்தவர்களே ஊழலைக் கண்டுபிடியுங்கள் என்று புகார் அளிக்கிறார்களா? இது காமெடி!

ஆனால், புதிதாக ஓர் ஆட்சி வந்தவுடன் இப்படித் துணிச்சலாக கொலை செய்யும் தைரியமும் வந்துவிடுமா? 

இது நீண்ட கால வியாதி. இங்கே நீங்கள் விரும்பாவிட்டாலும் கடந்தகால புள்ளிவிவரங்களை கவனித்தாக வேண்டும். இது போன்ற விஷயங்களில் எந்த அரசை விமர்சித்தாலும், அவர்கள் பழைய வரலாறு, பக்கத்து வீட்டின் வரலாறு என எதையாவது எடுத்துப் பேசுவார்கள். இதை எல்லாக் கட்சிகளும் செய்யும். திமுக செய்தது; பிஜேபியும் செய்கிறது. எனவே, பள்ளிக்கல்வி அமைச்சர் ராஜ் மோகன் கடந்த வருடக் கொலைகளை உதாரணமாகச் சொல்வது தவறு என்றாலும், நிர்வாகத்தில் இவை தவிர்க்க முடியாத தவறுகள்.

ஆனால், கவனமாகப் பார்த்தால், இங்கே பெரும்பாலான குற்றங்களுக்கு மதுபோதை ஒரு காரணமாக இருக்கிறது. அந்த மதுவுக்கு, அதுவும் தரமற்ற மதுவுக்கு, அச்சாரம் போட்டது திராவிடக் கட்சிகள்தான். எனவே, இரண்டு திராவிடக் கட்சிகளும் இதற்கு ஏதோ ஒருவகையில் பொறுப்புதானே?

அதே சமயம், தவெகவும் பொறுப்புதான். அவர்கள் எப்படிப் பொறுப்பு என்றால், இப்படித் திடீர் விருந்தாளி போல் சொல்லாமல் கொள்ளாமல் ஆட்சியைப் பிடித்துவிட்டார்கள். அதைக்கூட ஜீரணிக்கலாம், ஆனால் திருந்துவதற்கு அவகாசம் கொடுக்காமல், திடீரென எல்லோரும் திருந்திவிடுங்கள், யாரும் லஞ்சம் வாங்காதீர்கள் என்றால், இவ்வளவு நாள் லஞ்சம் வாங்கிக் கொழுத்த போலீசாரின் நிலை எப்படி இருக்கும்? எனவே, அவர்கள் மறைமுகமாக ஸ்ட்ரைக் செய்கிறார்கள் என்று நினைக்கிறேன். அதாவது, நாங்கள் கையையும் நீட்ட மாட்டோம், எதையும் கவனிக்கவும் மாட்டோம் என்ற முடிவில் இருக்கிறார்கள்.

அதிலும், இங்கே இந்த ரவுடித்தனத்தின் பின்னணியில் யார் இருக்கிறார்கள் என்பது தெரியவில்லை. அந்தப் புள்ளிவிவரம் தெரியாமல் எதுவும் சொல்வதற்கில்லை. கடந்த ஆட்சியில் ஆளுங்கட்சியில் இருந்த சிறுத்தைகள் இப்போதும் ஆளுங்கட்சியில் இருக்கிறார்கள். இந்தப் புள்ளிவிவரம்தான் உறுத்துகிறது. இவர்களோடு மல்லுக்கட்டி போலீசாரும் மரத்துப்போயிருப்பார்கள். இங்கே யாரைக் குறை சொல்வது?

அடுத்த தீபாவளிக்குள்ளாவது விஜய் பெரும்பான்மையைப் பெறட்டும். முடியாவிட்டால், மறுதேர்தலுக்காவது போகட்டும். ஆனால், மறுதேர்தல் வந்தால் சிறு கட்சிகளின் நிலை இனி அதோகதிதான்!

திராவிட அறிவு இப்படித்தான் இருக்குமோ?

இப்போதெல்லாம் இந்தத் திராவிடத் தருதலைகள் ஒரு வித்தியாசமான கெட்டப்போடு வருகிறார்கள். வழக்கமாக வண்டி ஓட்டும்போது ஹெல்மெட் போடுவோம். ஆனால், இந்த திமுக பரதேசிகள் முகநூலில்கூட இப்படி ஹெல்மெட்டோடு வருகிறார்கள். அதாவது, கருத்து சொல்வார்களாம்; ஆனால், கமெண்ட் செக்ஷனை மூடி வைத்திருப்பார்களாம். அப்புறம் என்ன மயிருக்கு கருத்து சொல்ல வேண்டும்?

விநாயக முருகன் என்று ஒரு உளுத்தம் பருப்பு. முகநூலில் அடிக்கடி கருத்துச் சொல்வார். நான் ஷேர் டிரேடிங் செய்கிறேன்; அவரும் ஷேர் மார்க்கெட் பிஸ்தா என்பதால் இவருடைய பதிவுகள் ஏதோ ஒரு வகையில் என் பார்வைக்கு வருகின்றன. இவர் ஒரு உளுத்தம் பருப்பு என்பது சில பதிவுகளிலேயே தெரிந்துவிட்டது. இருந்தாலும், எல்லோருக்கும் ஒரு பார்வை இருக்கும் என்பதால், இவருடைய பார்வை என்ன என்று அவ்வப்போது கவனிப்பதுண்டு.

மேலும் வாசிக்க

பெரியார் நூலக ஊழல், யார் குற்றவாளி?

சத்தியமாக, இது திமுக ஆட்சியின் ஊழல்தான். ஊழல் இன்றுதான் வெளியாகியிருக்கிறது. முழு உண்மை வெளிவர இன்னும் சில நாட்கள் ஆகும்.

இப்படித்தான் ஃபிளை துபாய் விமானம் கடத்தப்பட்டபோது, விமானி கத்தியால் தாக்கப்பட்டார், விமானம் குட்டிக்கரணம் அடித்தது என்றெல்லாம் செய்திகள் வந்தன. ஆரம்பகட்டச் செய்திகள் எப்போதும் இப்படித்தான் இருக்கும். இன்றைய ஊடகங்கள் பரபரப்புப் பரதேசிகள். செய்திகளை உடனடியாக வெளியிட வேண்டும் என்ற நிர்பந்தம் அல்லது கொள்கை உடையவர்கள். அது அபத்தமாக இருப்பதைப் பற்றி அவர்களுக்குக் கவலையில்லை.

இந்த நூலக ஊழலும் அப்படித்தான். மேலும் பல தகவல்கள் இனி பொறுமையாக வெளிவரும்.

திமுகவினர் ஊழலுக்காகக் கை வைக்காத துறையே கிடையாது. எனவே, இந்தப் புத்தகத்தில் கிடைக்கும் சில்லறைக் காசுக்காக அவர்கள் ஆசைப்பட்டிருக்க மாட்டார்கள் என்றுதான் நானும் நினைத்தேன். ஆனால், வேறு சில முகநூல் பதிவுகளைக் கவனித்தால், இவர்கள் இதிலும் கை வைத்திருக்கிறார்கள் போலிருக்கிறது. படித்த சில செய்திகளிலிருந்து, இவை பல வருடங்களாகவே நடந்து வருகின்றன என்பது தெரிகிறது. முழுமையான தகவல் தெரிந்ததும் மறுபடியும் எழுதுவோம்.

மேலும் வாசிக்க