இந்த இடைத்தேர்தலில் தவெக 50 சதவீத வாக்குகளை வாங்கும் என்று கடந்த மாதம் எழுதிய ஒரு பதிவில் கணித்திருந்தேன். அது தப்புக் கணக்காகிவிட்டது.
இது 20-20 மேட்ச் மாதிரிதான். முதல் 10 ஓவர்களில் இந்தியா 100 ரன்களை எடுத்திருக்கும். வழக்கம்போல் கால்குலேட்டரில் கணக்குப் போட்டு, அடுத்த 10 ஓவர்களில் 100 + 20 எனக் குத்துமதிப்பாகக் கணக்குப் போட்டுவிடுவோம்.
ஆனால், அதன் பிறகு நடக்கும் சம்பவங்கள் கணக்கைப் பொய்யாக்கிவிடும்.
இங்கே நான் தவெகவின் வாக்கு வங்கி 35 சதவீதம் இருப்பதால், அதனுடன் 15 சதவீதத்தைக் கூட்டினேன். திமுக கூட்டணிக் கட்சிகள் வந்ததால் கிடைக்கும் 5, ஊழலை விஜய் அம்பலப்படுத்துவதால் பொதுமக்களின் ஆதரவால் கூடும் 5, அத்துடன் அதிமுகவில் இருந்து பலர் வந்திருப்பதால் மேலும் கிடைக்கக்கூடிய 5 என எல்லாவற்றையும் சேர்த்து 50 சதவீதத்தைத் தாண்டும் எனக் கணித்தேன்.
