!--Related Posts with thumbnails Scripts and Styles Start-->

Pages

Showing posts with label rahul gandhi. Show all posts
Showing posts with label rahul gandhi. Show all posts

Saturday, October 10, 2026

இடைத்தேர்தல் முடிவுகளும், தப்புக் கணக்குகளும்

இந்த இடைத்தேர்தலில் தவெக 50 சதவீத வாக்குகளை வாங்கும் என்று கடந்த மாதம் எழுதிய ஒரு பதிவில் கணித்திருந்தேன். அது தப்புக் கணக்காகிவிட்டது.

இது 20-20 மேட்ச் மாதிரிதான். முதல் 10 ஓவர்களில் இந்தியா 100 ரன்களை எடுத்திருக்கும். வழக்கம்போல் கால்குலேட்டரில் கணக்குப் போட்டு, அடுத்த 10 ஓவர்களில் 100 + 20 எனக் குத்துமதிப்பாகக் கணக்குப் போட்டுவிடுவோம்.

ஆனால், அதன் பிறகு நடக்கும் சம்பவங்கள் கணக்கைப் பொய்யாக்கிவிடும்.

இங்கே நான் தவெகவின் வாக்கு வங்கி 35 சதவீதம் இருப்பதால், அதனுடன் 15 சதவீதத்தைக் கூட்டினேன். திமுக கூட்டணிக் கட்சிகள் வந்ததால் கிடைக்கும் 5, ஊழலை விஜய் அம்பலப்படுத்துவதால் பொதுமக்களின் ஆதரவால் கூடும் 5, அத்துடன் அதிமுகவில் இருந்து பலர் வந்திருப்பதால் மேலும் கிடைக்கக்கூடிய 5 என எல்லாவற்றையும் சேர்த்து 50 சதவீதத்தைத் தாண்டும் எனக் கணித்தேன்.

Monday, October 5, 2026

SIR ல பிரச்சினையாமே?

ராகுல் காந்திக்கு எப்படி அரசியல் செய்வது என்று தெரியவில்லை போலிருக்கிறது. ரொம்பவே நிதானமாக யோசித்து, முட்டாள்தனமான போராட்டங்களை நடத்திக்கொண்டிருக்கிறார். வழக்கம் போல் தோற்றவர்களின் உத்தியான ‘மேடை சரியில்லை’ என்ற உளுத்துப்போன ஆயுதத்தைக் கையில் எடுத்திருக்கிறார். இந்த முறை அவருக்கு ஸ்டாலின் மற்றும் மம்தா என இரு பார்ட்னர்கள் கிடைத்திருக்கிறார்கள்; இதுதான் வித்தியாசம்.

கிரிக்கெட்டில் உலக அணி என்று ஒன்று உண்டு. அனைத்து அணிகளிலிருந்தும் திறமைசாலிகளைக் கொண்ட அணியாக அது இருக்கும். இந்த ராகுல் காந்தி வித்தியாசமானவர். தோற்றுப்போன தலைவர்களைக் கொண்டு ஒரு அணியை உருவாக்கியிருக்கிறார். அறிவு அதிகமாக இருந்தால் இப்படியெல்லாம் மூளை வேலை செய்யும் போலிருக்கிறது.

Saturday, August 29, 2026

டில்லியை நோக்கி விஜய்..

Aug.5 அன்று எழுதிய 'உதயநிதியின் ‘அந்த’ பேச்சு' பதிவின் ஒரு பகுதி ...https://anindianviews.blogspot.com/2026/08/blog-post_916.html

....தமிழ்நாட்டில் ஸ்டாலினை நம்பி பல கட்சிகள் ஏமாந்து (மோசம்) போனதைப் போல், டெல்லியில் ராகுல் காந்தியை நம்பி ஏமாற யாரும் தயாராக இல்லை. எனவே, தவெக - காங்கிரஸ் கூட்டணி நாடாளுமன்றத் தேர்தலில் தொடருமா என்பதே சந்தேகமாக இருக்கிறது. தொகுதிப் பிரச்சினை காரணமாக தவெக இவர்களைக் கழற்றிவிடலாம்; மற்ற உதிரி மற்றும் புதிய கட்சிகளுக்குக் கௌரவமான தொகுதிகள் கிடைக்கலாம்.

பிற தென் மாநிலங்களில் தவெக தனியாகவோ அல்லது அங்குள்ள பிற கட்சிகளுடனோ சேர்ந்து ஒரு மூன்றாவது அணியாக மாறலாம்...

இது அந்த பதிவின் கடைசி பகுதி.

இப்போது இதுதான் நடக்கும் என்பது உறுதியாகிறது. ஒரு இடத்தைப் பிடித்துவிட்டால், அடுத்த இலக்கை நோக்கிப் பயணிப்பதைப் போன்றதுதான் இது. ஆனால் இது உடனடியாக சாத்தியமாகுமா?

Wednesday, August 5, 2026

உதயநிதியின் ‘அந்த’ பேச்சு

இது ஒரு சிக்கல். ஓட்டப்பந்தயத்தில் 5 கிலோமீட்டர் ஓட வேண்டும் என்றால், சரியாக அந்த இடத்தை அடைந்தவுடன் உடனே நிற்க முடியுமா? முடியாது. ஓடிய வேகத்திற்கு இன்னும் 10 மீட்டர் தூரம் சென்றுதான் நிற்க முடியும். அதுபோன்றதுதான் மேடைப் பேச்சும். பேச்சின் வேகத்தில் நம்மை அறியாமல் சற்று எல்லை மீறிப்போய் விடுவோம். தவறை உணர்ந்த பிறகு வருத்தம் தெரிவிக்க வேண்டும்; அடுத்த முறை அந்தக் குறையைத் தவிர்க்க வேண்டும். அந்த நாகரிகம் உதயநிதியிடம் இல்லை.

இன்னொரு பக்கம் சினிமாவுக்குக் குத்துப்பாட்டு தேவைப்படுவதைப் போல், மேடைப் பேச்சிலும் சில சுவாரசியங்கள் தேவைப்படுகின்றன. இது காலங்காலமாக இருந்து வருகிறது. வால்மீகி இராமாயணம் போர் அடிக்கிறது என்று யாரோ சொன்ன பிறகு, கம்பர் அவர் எழுதிய இராமாயணத்தில் கொஞ்சம் காமத்தைக் கலந்திருக்கக்கூடும்.

Friday, June 26, 2026

மோடியின் `நீண்ட நாள் பிரதமர்` சாதனை?

இந்த அலப்பறை கொஞ்ச நாளாகவே ஓடிக்கொண்டிருக்கிறது. மோடிக்கு ஒரு தலைவராக, சில குறைகளைத் தவிர்த்து, நான் நல்ல மதிப்பெண் கொடுப்பேன். ஆனால், அந்த மதிப்பெண் எவ்வளவு என்பதில் ஒரு கணக்கு வேண்டாமா? 35 வாங்கினாலும் தேர்ச்சிதான், 90 வாங்கினாலும் தேர்ச்சிதான். எனவே, இங்கே மதிப்பெண் வழங்குவதில் சில சிக்கல்கள் இருக்கின்றன.

கிரிக்கெட் மொழியில் சொல்ல வேண்டுமென்றால், ஆஸ்திரேலியாவை எதிர்த்து ஜெயிப்பது சாதனை; ஆனால், போட்டியாளர் ஜிம்பாப்வேயாக இருந்தால்?